Informasjon om flaumsikring av Lærdalsøyri
Store delar av tettstaden Lærdalsøyri er utsett for flaum, då i størst grad frå Lærdalselvi. Kommunestyret i Lærdal har vedteke å starte ein planprosess for å regulere areal til flaumsikring for Lærdalsøyri. Detaljreguleringa vil leggje til rette for å gjennomføre flaumsikringstiltak som vil omfatte arbeid i Lærdalselvi (nedre del) og tilgrensande areal, i tillegg til å påverke vegsambanda i planområdet. Det er i veke 42 sendt ut brev til grunneigarar innanfor, og naboar, til planområdet. Planområdet vil truleg verte avgrensa i løpet av prosessen. Det er og sendt ut informasjon til lag og organisasjonar, ulike interesseorganisasjonar, offentlege etatar, osv.
Viser til dokumenta under for meir informasjon om planarbeidet og prosess:
Alle som ynskjer kan koma med innspel til planarbeidet. Frist for innspel til planarbeidet er sett til 17.november 2017. Innspel skal vera skriftlege, og vert sendt til Lærdal kommune v/Planavdelinga, postboks 83, 6886 Lærdal eller epost: post@laerdal.kommune.no.
Ta gjerne kontakt med arealplanleggjar Monika Lysne om det er spørsmål om planarbeidet.
Informasjon om planarbeidet vil verte tilgjengeleg for alle på heimesida til kommunen (Tenester - Planar - Planar under arbeid - Flaumsikring Lærdalsøyri).